Samoan: ‘Aīga o le ‘Aīga Lava….Alofa o le Alofa Lava…

Samoan Leaflet: Family is Still Family ‘Aīga o le ‘Aīga Lava….Alofa o le Alofa Lava…

E to’atele matua ma ‘aīga e iai o latou alo e fa’afatama, fa’afafine, pe ta’ua fo’i o i latou o paepaega o tagata ua fai suiga i o latou tino ina ia pei ai o teine  po’o se tama fo’i.  A iai se tasi o alo ua mafai ona fa’ailoa lea tulaga, e iai lava tagata o le aiga e fesiligia le mafua’aga.  A’o le’i e fesiligia se tulaga fa’apea, o nai manatu tāua nei e ao ona e iloaina:

  • E le filifilia ese tagata po’o ai pe fa’apefea fo’i ona alofa i le isi.

O le filifiliga e avea ma fa’afafine/fa’afatama e le ose filifiliga e te’i lava ua tupu.  E le tupu ona ua fa’apea ua taunu’u mai i Amerika, ona ua nofo i le taulaga, pe ona ua iai uō fa’afafine/fa’afatama.  Mai fa’amaumauga, e 325,000 pe 28% o tagatanu’u ‘Asia ma le Pasefika i totonu o Amerika ua fa’amaonia e fa’afafine/fa’afatama, o se fa’amaumauga mai le Iunivesite fa’aloia a UCLA.  ‘Ona e le o mautinoa lelei e se tasi pe fa’apefea ona fa’amaonia le mafua’aga o suiga o mafaufauga o i latou nei, ae maise le iloaina pe fa’afafine/fa’afatama, ae e iloa lava e i latou suiga o fa’alagona i le tuputupu a’e i lona talavou.

  • O mātua ma fanau ua fa’afafine pe fa’afatama, latou te le’i agasala. ‘Aua le fa’asino’esea mātua ma fanau ua fa’afafine pe fa’afatama.

O le mā ma le māasiasi o fa’alagona muamua lava ia o mātua e iai fanau fa’afafine/fa’afatama, ae e le o se agasala a mātua ua mafua ai.  E le o iai ni fa’amaumauga fa’apea ona o le si’osi’omaga e mafua ai ona avea ma fa’afafine/fa’afatama.  O le avea ma fa’afaine/fa’afatama, o le tamaititi lava ia.  O su’esu’ega ua iloa ai le tāua o le taliaina o i latou nei e fa’atupula’ia ai  le soifua maloloina ae maise le ola fiafia.  O le alofa fa’ale’aīga ma le sapasapaia o i latou nei e fa’aitiitia ai amioga le pulea e pei o le fa’aogaina o fuāla’au fa’asaina, o ma’i o le soifuaga, ma le pule i le ola.

  • O fa’afafine/fa’afatama o tagata fiafia toe maoa’e o latou olaga

E to’atele o fa’afafine/fa’afatama o ta’ita’i ua maoa’e o latou olaga toe ola i se soifua malōlōina.  Ua maoa’e suiga o Amerika ma le lalolagi atoa.  Ua to’atele sitete ma atunu’u ua latou amana’ia fa’aipoipoga o fa’afafine/fa’afatama.  AAPIs o i latou ua fa’aipoipoina ua fa’afaileleina fanau.  E le gata i lea, o le to’atele o fa’afafine/fa’afatama ua mautū a latou galuega. Ua to’atele le ‘au fai pisinisi, kamupanī, ma fa’alapotopotoga mo se manuia o le lautele ua latou sapasapaia tagata faigaluega o lo’o fa’afafine pe fa’afatama.

  • To’atele Fa’atuatuaga Lotu ua Tatala ma ua fa’atagaina tagata fa’afafine pe fa’afatama

Ua tele fo’i fa’atuatuaga  ma tapua’iga ua taliaina fa’afafine ma fa’afatama.  O fa’amaumauga ma tusitusiga ua tusia e fa’amatalaina ai mafaufauga ma le aganu’u o taimi nei.  O le tele o tapua’iga ua latou silafiaina le opogiina o fa’afafine/fa’afatama auā le u’una’iina o tapua’iga a le lotu ae maise le ola tapua’i o tagata pei o le fa’atāuaina o le ola fetausia’i, alofa, foliga alofa o le Atua, ma le talitonuga ia alofa le tagata e pei ona ia mana’o e alofa atu le isi ia te ia.

  • Ia avea lenei lalolagi ma se nofoaga mo tagata uma

E to’atele sitete ma tulafono e puipuia ai aiā tatau o fa’afafine po’o fa’afatama.  Ae pagā, e tupu pea manatu fa’ailoga tagata mo i latou o lo’o ‘ese.  O le tatou matāfaioi ia tatou fafau se lalolagi e tumu i le feāvata’i, saogalemū, ma le fa’aaloalo le tasi i le tasi, e tusa pe ‘ese lona fa’asinomaga, talitonuga, ‘ese lona nu’u, ‘ese lona atunu’u e sau ai, pe fa’afafine, pe fa’afatama, po’o se tama po’o se teine.

  • Ia a’oa’ia ‘oe ma isi tagata.

O lo’o iai fesoasoani ma tusitusiga e tu’uina atu.  O fa’alapotopotoga e pei o le PFLAG (mo mātua, ‘aīga ma uō o i latou e sapasapaia pelega o ‘aīga o lo’o fa’afafine pe fa’afatama), fa’alapotopotoga a le lalolagi mo fa’afafine/fa’afatama o Asia ma le Pasefika Aofa’atasi (NQAPIA) ma le Asian Pride Project, o motuga’afa na mo ‘oe ma le ‘aīga.  Ia fa’afeso’ota’i i latou i le, www.pflag.org, www.nqapia.org, www.asianprideproject.org.

E le o ‘autasia  ‘oe.

 

Download the Family is Family – Samoan PDF.

Watch the PSA video in English.