Chamorro: Familia Parehu yan Familia…. Guinaiya Parehu yan Guinaiya….

Chamorro Leaflet: Family is Still Family

Familia Parehu yan Familia…. Guinaiya Parehu yan Guinaiya….

Meggai na mañaina yan familia gumai påtgon na mamflorita (LGBT).  Yanggen humuyong pat “comes out,” naturåt na meggai na kuestiona na para u faisen ginen i familian-ñiha.  Gi i tinituhon na para ta oppe’ i kuestiona siha, este na påtte siha na gof empottånte:

TI SIÑA I TAOTAO UMAYEK HÅYI NA TAOTAO MA GUAIYA

LGBT ti umayek pat ti aksidente.  Ti ginen i Estådos Unidos, ti ginen mañåsaga gi i dangkulo’ na lugåt siha, pat ti ginen i mangga’chong LGBT siha.  Lao, 325,000 pat 2.8% na taotao ginen Åsia pat i taotao Pasifiku gi iya Estådos Unidos uma’aidentifika na LGBT, ginen I Williams Institute gi i UCLA School of Law.  Meggai ti ma tungo’ håfa taimanu i sexual orientation pat gender identity na detetmina, lao mås di bula na taotao LGBT esta ma tungo’ na difiresiao ki i pumalu na taotao siha gi i tinituhon i idåt-ñiha.

TI MA CHO’GUE BÅBA I MAÑAINA YAN I LGBT NA PÅTGON

I isao yan i na’mamåhlao, i mås regulåt na siñiente ginen i mañainan i LGBT na taotao siha, lao i mañaina ti ma chochonnek i patgon-ñiha para u LGBT.  Tåya’ na chetnot ginen i tano’ na ma na’siña i taotao na para u LGBT.  Yanggen LGBT, mås simplisiu yanggen håyi i patgon.  Annai ma estudiåyi LGBT, a’annok na i akseptasion ginen i familia, mås muna’ atbånsa mo’na i minaolek na lina’la’.  Guinaiya yan i sinoppotte ginen i familia mås rumibåha i båba na kontukta, put i hemplo’, båba na åmot, chetnot tataotao yan ma puno’ maisa gui’.

I TAOTAO LGBT MÅS MAOLEK YAN MAGOF NA LINA’LA’

Siña i taotao LGBT mås maolek yan magof na lina’la’-ñiha.  I Estådos Unidos yan i enterementen etmundo tumulalaika chaddek.  I lugåt siha gi iya Estådos Unidos yan i otro na tåno’ siha ma rekoknosi i umakammo’ i dos låhi pat i dos palao’an.  I Williams Institute ma sodda’ na 26% entre i 33,000 AAPIs gi i dos låhi pat dos palao’an na lina’la’ pumupulan i famagu’on siha.  Otro, I taotao LGBT man gai maolek na cho’cho’ siha.  Meggai na kometsio, kompaniha, ahensia yan otganisasion siha sumoppotte i LGBT na taotao-ñiha.

MEGGAI NA KINALAMTEN HINENGGE, TRADISIONÅT YAN AKSEPTASION PARA I TAOTAO LGBT

Meggai na hinengge yan relihion kumalålamten mo’na para i akseptasion i taotao LGBT.  Guaha na sinangan ginen i lepblo siha man ma tuge’ para u ma deskribi i tiningo’ yan i kottura para ayo na tiempon åntes.  Lao, meggai na hinengge ma rekoknosi på’go na para ta akudi yan aksepta i taotao LGBT, ya para ta emfesisa i mås metgot na relihion yan espiritu na presiu siha, put i hemplo’, indothensia, guinaiya, ma’åse’ na Yu’os yan i hinengge na mamparehu hit na taotao.

NA’MAOLEK TODU I ENTEREMENTEN ETMUNDO

Meggai n alai ginen i lugåt siha prumutehi i taotao LGBT.  Lao, guaha bula na chatli’e’ para i taotao LGBT på’go lokkue’.  I responsapblidåt-ta na para ta fotma pat kurihi i tano’ para i minaolek mo’na, para respetu yan para ta na’såfu i lina’lå’-ta para todu hit maseha håfa na råsa, taotao, relihion, lugåt na eståba hao, i patte, sexual orientation pat gender identity.

IDUKA MAISA HAO YAN I OTRO TAOTAO SIHA

Guaha bula na sinoppotte yan guinaha siha.  Guaha gurupu siha, put i hemplo’, PFLAG (for parents, families and friends who support their LGBT loved ones), National Queer Asian Pacific Islander Allaiance (NQAPIA) yan i Asian Pride Project i guinaha para hågu yan i familiå-mu.  Siña un ågang siha gi www.pflag.org, www.nqapia.org, www.asianprideproject.org

TI HÅGU HA’ NA MAISA.

Download the Family is Still Family – Chamorro PDF.

Watch the PSA video in English.